قومی و بین الاقومی سطح پر میڈیل حاصل کرنے والے کھلاڑیوں کی حوصلہ افزائی

سرینگر//
جموں کشمیر کے لیفٹیننٹ گورنر منوج سنہا نے بدھ کے روز گذشتہ دو برسوں کے دوران قومی اور بین الاقوامی سطح پر شاندار کارکردگی کا مظاہرہ کرکے میڈیل حاصل کرنے والے کھلاڑیوں کی حوصلہ افزائی کی۔
سنہا نے۱۷شعبوں کے۳۶۸کھلاڑیوں کو خصوصی نقد انعامات سے نوازا۔
اس موقع پر ان کا کہنا تھا’’ایشین پیرا گیمز، نیشنل کھیل مقابلوں اور اسکول کھیلوں میں ہماری حالیہ کامیابیوں نے بین الاقوامی سطح کے مقابلوں میں ہماری بہتر کارکردگی کی امید کو مزید روشن کیا ہے ‘‘۔
لیفٹیننٹ گورنر نے ان باتوں کا اظہار بدھ کے روز ’ایکس‘پر اپنے پوسٹس میں کیا۔
سنہانے کہا’’سال۲۰۲۱۔۲۰۲۲؍اور ۲۰۲۲۔۲۰۲۳ کے دوران قومی اور بین الاقوامی سطح کے مقابلوں میں میڈیل جیتنے والوں کو مبارکباد دیتا ہوں‘‘۔ان کا کہنا تھا’’۱۷شعبوں کے کل۳۶۸کھلاڑیوں کو خصوصی نقد انعامات سے نوازا گیا‘‘۔
ایل جی نے تمام کھلاڑیوں اور ان کے کوچز کو بہتری کارکردگی کا مظاہرہ کرنے پر ان کو مبارکباد پیش کی۔
سنہا نے کہا کہ ایشین پیرا گیمز، نیشنل کھیل مقابلوں اور اسکول کھیلوں میں ہماری حالیہ کامیبوں نے بین الاقوامی سطح کے مقابلوں میں ہماری بہتر کارکردگی کی امید کو مزید روشن کیا ہے ۔انہوں نے کہا’’میں پیرا ٹیموں اور خاتون کھلاڑیوں کو بھی ان کی شاندار کاکردگی کے مظاہرے پر مبارکباد دیتا ہوں‘‘۔
لیفٹیننٹ گورنر کا کہنا تھا’’کھیلوں کا مناسب بنیادی ڈھانچہ، نئی سپورٹس پالیسی، کوچز کے معیار میں اپ گریڈیشن،پنچایت سطح پر نوجوانوں کی مصروفیت کی مہم، ایل جی رولنگ ٹرافی اور دیگر مختلف اقدام سے ایک مضبوط سپورٹس کلچر عالم وجود میں آئے گا جس میں تمام طبقے شامل ہوں گے اور کھلاڑیوں کا کیرئر محفوظ بن جائے گا۔‘‘