سرینگر عارضی طور پر ڈرونوں کیلئے ریڈ زون قرار

سرینگر//
وزیر اعظم نریندر مودی کے کل سرینگر کے دورے سے قبل وسطی کشمیر کے سرینگر شہر کو ڈرون اور کواڈ کاپٹروں کے آپریشن کیلئے’عارضی ریڈ زون‘قرار دیا گیا ہے۔
یہ فیصلہ ڈرون رولز ۲۰۲۱ کے رول۲۴(۲)کے تحت کیا گیا ہے، جیسا کہ سرینگر پولیس نے اعلان کیا ہے۔
ریڈ زون کے اندر تمام غیر مجاز ڈرون سرگرمیاں ڈرون رولز۲۰۲۱ میں بیان کردہ جرمانے سے مشروط ہیں۔ سری نگر پولیس نے شہریوں پر زور دیا ہے کہ وہ ان اقدامات میں مکمل تعاون کریں۔
پولیس نے ایک بیان میں کہا’’ڈرون رولز،۲۰۲۱ کے رول۲۴(۲)کی دفعات کے مطابق سرینگر شہر کو ڈرون اور کواڈ کاپٹروں کے آپریشن کیلئے ؔ’عارضی ریڈ زون‘ قرار دیا گیا ہے‘‘۔
ریڈ زون میں تمام غیر مجاز ڈرون آپریشنز کو ڈرون رولز۲۰۲۱ کی متعلقہ دفعات کے مطابق جرمانے کی سزا دی جاسکتی ہے۔’’ ایک ذمہ دار شہری کی حیثیت سے اس سلسلے میں آپ سے تعاون کی درخواست کی جاتی ہے۔ ‘‘