’جموںکشمیر سمیت شمالی ہندوستان میں بارش اور برفباری کا امکان‘

نئی دہلی//
شمالی ہندوستان کے کچھ حصوں میں۷مارچ تک ہلکی سے درمیانی بارش اور برف باری کی پیش گوئی کی گئی ہے ۔ موسمیاتی مرکز (آئی ایم ڈی) نے منگل کو یہ اطلاع دی۔
آئی ایم ڈی نے کہا کہ ۵ تا۷مارچ کے دوران مغربی ہمالیہ کے علاقے میں چھٹ پٹ ہلکی بارش اور برف باری کے علاوہ اگلے پانچ دنوں تک ملک کے دیگر حصوں میں موسم خشک رہنے کی امید ہے ۔
محکمہ نے کہا کہ تازہ ترین ویسٹرن ڈسٹربنس کی وجہ سے جموں و کشمیر، لداخ، گلگت، بلتستان، مظفر آباد اور ہماچل پردیش میں چھٹ پٹ سے درمیانے درجے کی بارش اور برفباری کی امکان ہے اور اتراکھنڈ میں۵مارچ سے۷ مارچ کے دوران مختلف مقامات پر بارش اور برف باری کا امکان ہے ۔
آئی ایم ڈی کے مطابق اندرونی اور ملحقہ اوڈیشہ کے اوپر نچلی ٹراپوسفیرک سطح پر ایک سائیکلونک گردش برقرار ہے ۔ طوفان کے زیر اثر‘۵سے ۸مارچ کے دوران اڈیشہ میں مخٰتلف مقامات پر اور ذیلی ہمالیائی مغربی بنگال اور سکم میں۷سے۹مارچ کے دوران بارش ہو سکتی ہے ۔
اس کے علاوہ محکمہ نے اگلے سات دنوں کے دوران اروناچل پردیش میں مختلف مقامات پر ہلکی بارش اور برف باری کی پیشن گوئی کی ہے ۔ آسام اور میگھالیہ میں ۵ مارچ کو بارش ہوسکتی ہے ۔
محکمہ موسمیات نے کہا کہ اگلے دو دنوں میں رائل سیما ، تملناڈو اور کیرالہ میں موسم گرم رہے گا۔