کپوارہ میں جنگجو معاون گرفتار۔۔ اسلحہ و گولہ بارود بر آمد:پولیس

سرینگر//
جموںکشمیر پولیس نے شمالی ضلع کپوارہ میں ایک جنگجو معاون کو گرفتار کرکے اس کی تحویل سے اسلحہ و گولہ بارود بر آمد کیا ہے ۔
ایک پولیس ترجمان نے تفصیلات فراہم کرتے ہوئے کہا کہ پولیس اسٹیشن کپوارہ ، فوج کی۴۷ار آر اور سی آر پی ایف کی۱۶۲بٹالین کی ایک مشترکہ ٹیم نے درگمولہ میں بی ایڈ کالج کے نزدیک ایک شخص کو گرفتار کیا۔
بیان میں گرفتار شدہ شخص کی شناخت آصف مشتاق وانی ولد مشتاق احمد وانی ساکن گلی زو کپوارہ کے طور کی گئی ہے ۔انہوں نے کہا کہ پولیس کو دیکھتے ہی اس شخص نے فرار ہونے کی کوشش کی تاہم اس کو دھر لیا گیا۔
بیان میں کہا گیا’’تلاشی کے دوران اس کی تحویل سے چینی ساخت کا ایک پستول‘ایک پستول میگزین اور۶پستول گولیاں بر آمد کی گئیں‘‘۔انہوں نے کہا کہ پولیس نے اس ضمن میں متعلقہ دفعات کے تحت ایک کیس درج کرکے تحقیقات شروع کی ہے۔