حکومت نے منریگا ملازمین کے لئے ماہانہ اضافے کو منظوری دی

سرینگر///
جموں کشمیر کے لیفٹیننٹ گورنر منوج سنہا نے مہاتما گاندھی نیشنل رورل ایمپلائمنٹ گارنٹی ایکٹ (منریگا) سے وابستہ معاون عملے کیلئے ماہانہ معاوضے میں اضافے کی منظوری کا اعلان کیا ہے۔
ایک دیرینہ مطالبہ کو پورا کرتے ہوئے ایل جی نے کہا کہ اس اقدام سے تقریباً۴۰۰۰ ملازمین کو فائدہ ہوگا۔ انہوں نے کہا کہ جموں و کشمیر انتظامیہ تمام عملے اور ان کے اہل خانہ کی فلاح و بہبود کیلئے پرعزم ہے۔
سنہا نے کہا کہ منریگا سپورٹنگ اسٹاف کے ماہانہ معاوضے میں اضافے کی منظوری دی گئی ہے جس سے ان کی دیرینہ مانگ پوری ہوئی ہے۔ اس اقدام سے تقریباً۴۰۰۰ ملازمین کو فائدہ ہوگا۔
ایل جی کے دفتر نے ایکس پر ایک پوسٹ میں کہا کہ جموں و کشمیر انتظامیہ تمام عملے اور ان کے اہل خانہ کی فلاح و بہبود کیلئے پرعزم ہے۔