۷۵ ویں یوم جمہوریہ کے موقع پر لیفٹیننٹ گورنر کی مبارکباد

جموں//
لیفٹیننٹ گورنر‘منوج سنہا نے ۷۵ ویں یوم جمہوریہ کے موقع پر جموں کے عوام کو دلی مبارکباد اور مبارکباد پیش کی ہے۔
لیفٹیننٹ گورنر نے اپنے پیغام میں کہا کہ۷۵ ویں یوم جمہوریہ کے موقع پر میں تمام شہریوں کو دلی مبارکباد پیش کرتا ہوں۔ ’’آج کے دن میں جموں کشمیر پولیس، مسلح افواج، سی اے پی ایف اور ہمارے مجاہدین آزادی کے بہادروں کو خراج عقیدت پیش کرتا ہوں جنہوں نے ہمارے عظیم ملک کے اتحاد اور سالمیت کے لئے عظیم قربانیاں دی ہیں‘‘۔
پیغام میں ایل جی نے مزید کہا’’ہماری جمہوریہ کے اس مبارک امرت کال کے موقع پر ہمیں اگلے ۲۵ سالوں کے چیلنجوں کو مواقع میں تبدیل کرنے اور ترقی کی راہ پر خود اعتمادی کے ساتھ مل کر آگے بڑھنے کا عزم کرنا چاہئے۔‘‘