وادی میں صبح سے دوپہر تک گہری دھند کی وجہ سے لوگوں کو مشکلات کا سامنا

سرینگر//
وادی کشمیر میں جہاں ایک طرف شبانہ درجہ حرارت میں مزید گراوٹ درج ہونے سے ٹھٹھرتی سردیوں کا زور جاری ہے وہیں دوسری طرف سری نگر سمیت کئی علاقوں کو منگل کی صبح مسلسل دوسرے روز بھی گہری دھند نے اپنی لپیٹ میں لے لیا تھا۔
سری نگر اور وادی کے دیگر کچھ حصوں میں منگل کی صبح گہری دھند چھائی ہوئی تھی جس سے وزیبلٹی کافی کم ہوئی تھی۔
گہری دھند سے صبح کے وقت گھروں سے نکلنے والوں کو گونا گوں مشکلات کا سامنا کرنا پڑا اور ڈرائیور حضرات کو ہیڈ لائٹس چالو کرکے گاڑیاں چلانا پڑیں۔
ادھر وادی کے شبانہ درجہ حرارت میں مزید گراوٹ درج ہونے سے سردیوں کا زور مزید تیز ہوا ہے ۔
دارلحکومت سرینگر میں کم سے کم درجہ حرارت منفی۰ء۳ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۳ء۲ڈگری سینٹی گریڈ ریکارڈ ہوا تھا۔
سیاحتی مقا گلمرگ میں کم سے کم درجہ حرارت منفی۶ء۲ڈگری سینٹی گریڈ ریکارد کیا گیا جہاں گذشتہ شب کا درجہ حرارت منفی۰ء۳ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت منفی۷ء۴ڈگری سینٹی گریڈ ریکارد کیا گیا جہاں گذشتہ شب کا درجہ حرارت منفی۳ء۴ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۵ء۳ڈگری سینٹی گرید ریکارڈ کیا گیا جہاں گذشتہ شب کا درجہ حرارت منفی۷ء۲ڈگری سینٹی گرید ریکارڈ ہوا تھا۔
قصبہ قاضی گنڈ میں کم سے کم درجہ حرارت منفی۰ء۳ڈگری سینٹی گریڈ ریکارد کیا گیا جہاں گذشتہ شب کا درجہ حرارت منفی۶ء۲ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی۸ء۹ڈگری سینٹی گریڈ جبکہ ضلع کرگل میں کم سے کم درجہ حرارت منفی۲ء۸ڈگری سینٹی گریڈ ریکارڈ ہوا ہے ۔
محکمہ موسمیات کے مطابق وادی میں۳۱دسمبر تک موسم وسیع پیمانے پر خراب ہونے کا کوئی امکان نہیں ہے ۔انہوں نے کہا کہ وادی میں۲۴سے۲۶دسمبر تک موسم مجموعی طور پر خشک رہنے کا امکان ہے ۔ان کا کہنا تھا کہ بعد ازاں ۲۷دسمبر کو پہاڑی علاقوں میں کہیں کہیں ہلکی برف باری متوقع ہے ۔انہوں نے کہا کہ اس کے بعد۲۸سے۳۱دسمبر تک موسم مجموعی طور پر خشک رہنے کا امکان ہے ۔