حکومت نے جی۲۰سمٹ پر ۴۱۶کروڑ روپے خرچ کئے:وزارت خارجہ

سرینگر//
حکومت نے جمعرات کو پارلیمنٹ کو بتایا کہ ہندوستان کی جی ۲۰صدارت اور سمٹ پر تقریباً ۱۹ء۴۱۶ کروڑ روپے خرچ ہوئے۔
کانگریس لیڈر ملکارجن کھرگے کے جی۲۰ اخراجات کے سلسلے میں سوالات کے ایک تحریری جواب میں، مرکزی وزیر مملکت برائے امور خارجہ وی مرلی دھرن نے کہا کہ ہندوستان کے جی۲۰ سربراہی اجلاس کے لیے مختص کیے گئے ۱۳۱۰ کروڑ روپے کے بجٹ میں سے، حکومت نے۱۱دسمبر۲۰۲۳ تک صرف تقریباً۴۲۰ کروڑ روپے خرچ کیے ہیں۔
مرلیدھرن کے مطابق، یہ خرچ بنیادی طور پر ملک بھر میں۶۰مقامات پر ۲۰۰سے زیادہ میٹنگوں کے انعقاد پر خرچ کیا گیا ہے، جس میں۰/۱۰ ستمبر ۲۰۲۳کو نئی دہلی میں ہونے والی لیڈرز سمٹ بھی شامل ہے۔
وزیر نے کہا کہ اخراجات میں کانفرنسنگ، وینیو چارجز‘جی۲۰ ویب سائٹ کی تخلیق اور میزبانی، انتظامی اخراجات، برانڈنگ وغیرہ شامل ہیں۔
اخراجات کے زمرے کے لحاظ سے تقسیم سے پتہ چلتا ہے کہ سب سے زیادہ رقم کانفرنسوں اور میٹنگوں کی میزبانی پر خرچ کی گئی، جس کی لاگت تقریباً ۹۵ء۱۶۱کروڑ روپے تھی۔
حکومت نے ہوٹلوں اور میٹنگ کے مقامات پر تقریباً ۱۱۸کروڑ روپے، مقامی نقل و حمل پر۰۲ء۴۹کروڑ روپے، دور دراز مقامات کے لیے خصوصی پروازوں کے انتظام پر۳۶ء۷کروڑ روپے، اور علمی شراکت داروں کو گرانٹ پر۴۲ء۳ کروڑ روپے خرچ کیے ہیں۔
وزیر نے بتایاکہ حکومت نے برانڈنگ اور تشہیر پر۵۰ء۳۲ کروڑ روپے‘پیشہ ورانہ خدمات پر۷کروڑ روپے اور اسٹبلشمنٹ لاگت پر۲کروڑ روپے خرچ کیے۔
فراہم کردہ اعداد و شمار کے مطابق، حکومت نے آئی ٹی/ویب سائٹ/ سائبر سیکورٹی کے اخراجات پر۳۱ء۱۰ کروڑ روپے اور متفرق اخراجات پر ۵۲ء۲۵ کروڑ روپے بھی خرچ کیے ہیں۔
مرلیدھرن نے مزید کہا کہ اخراجات سے متعلق بل ابھی بھی موصول ہو رہے ہیں اور ان پر کارروائی ہو رہی ہے۔