مدھیہ پردیش کے ووٹروں کو گھپلوں، لوٹ اور جھوٹ کی حکومت سے نجات دلانے کے لیے دیں ووٹ: پرینکا

نئی دہلی// کانگریس جنرل سکریٹری پرینکا گاندھی نے مدھیہ پردیش کے ووٹروں سے ووٹنگ میں حصہ لینے کی اپیل کرتے ہوئے کہا کہ ریاست میں 18 سال سے لوٹ مار، جھوٹ اور گھپلوں کی حکومت ہے اور اس سے چھٹکارا حاصل کرنے کے لیے آگے بڑھ کر ووٹ ڈالیں۔
محترمہ گاندھی نے اپیل کرتے ہوئے کہا ‘‘میرے مدھیہ پردیش کے بھائیو اور بہنو۔ اٹھارہ سالہ غلط حکمرانی ختم ہونے کو ہے ۔ لوٹ مار، جھوٹ اور گھپلوں کی حکومت کو الوداع کہنے میں اپنا انمول تعاون دیں۔ اعتماد اور گارنٹی والی حکومت کا انتخاب کریں۔
انہوں نے اقتدار میں آنے کے بعد عوام سے کانگریس کی گارنٹی والی اسکیموں کو عمل میں لانے کے پارٹی کے عزم کا اعادہ کیا اور کہا ‘‘مدھیہ پردیش میں کانگریس کی طرف سے ضمانت دی گئی ہے – خواتین کو 1500 روپے ماہانہ، کسانوں کے قرض کی معافی، 100 روپے یونٹ بجلی معاف، 200 یونٹ نصف، پرانی پنشن نافذ، گیس سلنڈر 500 روپے میں، دو لاکھ خالی سرکاری آسامیاں پُر کی جائیں گی، اسکول کے طلباء کو وظیفہ، اے ایس پی کی گارنٹی، نوجوانوں کو 3000 روپے بے روزگاری الاؤنس، 12ویں تک مفت تعلیم، مسابقتی امتحان کی فیس میں 100 فیصد چھوٹ، 25 لاکھ روپے تک کا بیمہ، او بی سی کے لیے 27 فیصد ریزرویشن، ذات پر مبنی مردم شماری۔ جنتا کی جے ۔ کانگریس کی جے ۔ جے دیش۔ جے مدھیہ پردیش۔