پانی کی عدم دستیابی کےخلاف حبہ کدل میں احتجاج

سرینگر/۹ اکتوبر
سری نگر کے حبہ کدل کے علاقے نئی سڑک کے رہائشیوں نے پیر کو اپنے علاقے میں پانی کی قلت کے خلاف احتجاجی مظاہرہ کیا۔
عینی شاہدین نے ایک مقامی خبر رساں ایجنسی کو بتایا کہ خواتین اور بچوں سمیت رہائشیوں نے سڑک بلاک کر دی، جس سے ٹریفک کی نقل و حرکت میں خلل پڑا۔
ان کا کہنا تھا کہ گزشتہ ایک ہفتے سے ان کے علاقے میں پانی کی سپلائی نہیں ہے جس سے انہیں شدید پریشانی کا سامنا ہے۔انہوں نے کہا کہ ہمیں پانی کی شدید قلت کا سامنا ہے حتیٰ کہ ہم نے کئی بار حکام کو آگاہ کیا لیکن کوئی فائدہ نہیں ہوا۔
مکین نے حکام سے اپیل کی کہ ان کی شکایت کا جلد از جلد ازالہ کیا جائے۔