مشتبہ دہشت گردوں کی فائرنگ میں زخمی طالبعلم دم توڑ گیا

سری نگر//
ننت ناگ ضلع کے وتریگام وانیہامہ علاقے میں بدھ کی شام مشتبہ دہشت گردوں کے حملے کے بعد زخمی ہونے والے دسویں جماعت کے طالب علم نے جمعرات کی شام یہاں کے صورہ میڈیکل انسٹچوٹ میں زخموں کی تاب نہ لاتے ہوئے دم توڑ دیا۔
اس سے قبل پولیس کے مطابق دہشت گردوں نے۱۰ویں جماعت کے طالب علم ‘جس کی شناخت ساحل بشیر ولد بشیر احمد ڈار ساکن وتری گام دیالگام وانیہاما کے طور پر ہوئی ‘پرپر فائرنگ کی جس سے وہ شدید زخمی ہوگیا۔
اسے علاج کے لیے فوری طور پر جی ایم سی اننت ناگ منتقل کیا گیا، جہاں سے اسے جدید علاج کے لیے صورہ ریفر کیا گیا۔ تاہم، طالب علم آج شام انسٹی ٹیوٹ میں زندگی سے جنگ ہار گیا۔
سکمز صورہ کے ایک اہلکار نے ایک مقامی خبر رساں ایجنسی کو بتایا کہ نوجوان زخموں کی تاب نہ لاتے ہوئے دم توڑ گیا ہے۔