فارسٹ ڈویژن سندھ کے عارضی ملازموں کا سری نگر میں احتجاج

سرینگر//
فارسٹ ڈویژن سندھ گاندربل کے عارضی ملازموں نے ہفتے کے روز یہاں پریس کالونی میں جمع ہو کر اپنے مطالبات کے حق میں احتجاج درج کیا۔
احتجاجی جم کر نعرہ بازی کر رہے تھے اور تنخواہوں کی واگذاری کا مطالبہ کر رہے تھے ۔
اس موقع پر ایک احتجاجی نے میڈیا کے ساتھ بات کرتے ہوئے کہا کہ ہماری تنخواہ واگذار نہیں کی جا رہی ہیں جس کے لئے ہم احتجاج کر رہے ہیں۔انہوں نے کہا کہ ہم۲۹دنوں سے اپنے دفتر کے باہر احتجاج کر رہے تھے لیکن کوئی افسر ہمارے پاس نہیں آیا۔
ان کا کہنا تھا’’تنخواہ واگذار نہ ہونے کی وجہ سے ہمارے بچے اسکول نہیں جا پا رہے ہیں‘‘۔
احتجاجی نے کہا کہ ہم کل ۲۵۶ملازمین ہیں جن میں۶۵ملازموں کو تنخواہ واگذار کی گئی ہے جبکہ۱۹۱ملازم تنخواہوں کے بغیر ہیں۔انہوں نے کہا’’ہماری تنخواہ آئی ہے لیکن اس کو بند کیا گیا ہے ‘‘۔
ایک اور احتجاجی نے کہا کہ ہماری تنخواہ پچھلے تین مہینوں سے بند ہے ۔انہوں نے کہا’’ ہم اپنی اپنی ڈیوٹی انجام دے رے ہیں اور ۲۰۱۸سے ہماری تنخواہ اچھی طرح سے واگذار کی جاتی تھی۔
احتجاجیوں نے متعلقہ حکام سے تنخواہ واگذار کرنے کا مطالبہ کیا۔