نئی دہلی// وزیر اعظم نریندر مودی جمعہ اور ہفتہ کو چار ریاستوں چھتیس گڑھ، اتر پردیش، تلنگانہ اور راجستھان کا دورہ کریں گے جہاں وہ تقریباً 50,000 کروڑ روپے کے مختلف پروجیکٹوں کا افتتاح اور سنگ بنیاد رکھیں گے ۔
وزیر اعظم 7 جولائی کو چھتیس گڑھ اور اتر پردیش کے دورے پر ہوں گے ۔ وہ 8 جولائی کو تلنگانہ اور راجستھان کا دورہ کریں گے ۔
رائے پور میں ایک عوامی تقریب میں مختلف ترقیاتی منصوبوں کا سنگ بنیاد رکھنے اور افتتاح کرنے کے بعد وزیر اعظم دوپہر کو
اتر پردیش کے گورکھپور پہنچیں گے ، جہاں وہ گیتا پریس، گورکھپور کی صد سالہ تقریبات کی اختتامی تقریب میں شرکت کریں گے ۔ اس کے بعد وزیر اعظم گورکھپور ریلوے اسٹیشن پر وندے بھارت ٹرینوں کو ہری جھنڈی دکھاکر روانہ کریں گے ۔ وزیر اعظم شام کو وارانسی پہنچیں گے ، جہاں وہ ایک عوامی پروگرام میں حصہ لیں گے اور مختلف ترقیاتی منصوبوں کا سنگ بنیاد رکھیں گے اور افتتاح کریں گے ۔
وزیر اعظم 8 جولائی کی صبح تلنگانہ کے وارنگل پہنچیں گے اور ایک عوامی تقریب میں شرکت کریں گے جہاں وہ مختلف پروجیکٹوں کا سنگ بنیاد رکھیں گے ۔ وزیر اعظم شام کو بیکانیر پہنچیں گے ، جہاں وہ راجستھان میں کئی ترقیاتی منصوبوں کا سنگ بنیاد رکھیں گے اور افتتاح کریں گے ۔