مرکز سے راجستھان کو 5600 کروڑ کے سڑک پروجیکٹ کا تحفہ ملا

نئی دہلی//سڑک ٹرانسپورٹ اور شاہراہوں کے مرکزی وزیر نتن گڈکری نے راجستھان کے پرتاپ گڑھ میں 5600 کروڑ روپے کے 11 نیشنل ہائی وے پروجیکٹوں کا افتتاح اور سنگ بنیاد رکھا۔
مسٹر گڈکری نے منگل کو ٹویٹ کیا، "راجستھان کے پرتاپ گڑھ میں 5600 کروڑ روپے کے 11 نیشنل ہائی وے پروجیکٹوں کا افتتاح اور سنگ بنیاد رکھا۔”
تقریب سے خطاب کرتے ہوئے مسٹر گڈکری نے کہا کہ 219 کلو میٹر لمبی جنچار قومی شاہراہوں کا افتتاح کیا گیا ان پروجیکٹوں کی تخمینہ لاگت 3,775 کروڑ روپے ہے ۔
انہوں نے کہا کہ قومی شاہراہ 48 کے کشن گڑھ سے گلاب پورہ سیکشن تک 6 لین کا یہ منصوبہ اجمیر اور بھیلواڑہ اضلاع کی اقتصادی اور سماجی ترقی کو تقویت دے گا۔ گلاب پورہ سے چتور گڑھ سیکشن کو 6 لین کا بنانے سے ادے پور، جے پور اور بھیلواڑہ اور چتور گڑھ اضلاع کے کوٹا علاقوں کے درمیان رابطہ مضبوط ہوگا۔ فتح نگر میں قومی شاہراہ 162A پر 4 لین والے آر او بی کی تعمیر سے ریلوے کراسنگ پر ٹریفک جام کا مسئلہ حل ہو جائے گا۔ سی آر آئی ایف کے تحت منڈریال میں آج چمبل ندی پر ہائی لیول پل کی تعمیر کے کام کی شروعات کی گئی اس پل کی تعمیر سے منڈریال کرولی اور مدھیہ پردیش کے سبل گڑھ کے درمیان کنیکٹیوٹی برقرار رہے گی۔