جموں : مصنوعی جھیل پروجیکٹ کا کام رواں سال کے اکتوبر‘ نومبر تک مکمل ہوگا

جموں///
حکام کا کہنا ہے کہ جموں کے مصنوعی جھیل پروجیکٹ پر جاری کام رواں سال کے ماہ اکتوبر ‘نومبر تک مکمل کیا جائے گا۔
جموں سمارٹ سٹی پروجیکٹ لمیٹڈ کے چیف ایگزیکٹیو افسر‘ راہل یادو نے یو این آئی کو بتایا کہ اس پروجیکٹ کی تکمیل کا کام رواں سال کے ماہ اکتوبر، نومبر تک مکمل کیا جائے گا جس کے بعد اس کو عوام کے نام وقف کیا جائے گا۔
یادو نے کہا کہ پروجیکٹ کی تکمیل کے بعد اس کی تزئین و آرائش کی جائے گی۔
ان کا کہنا تھا کہ یہ کل۱۸۰کروڑ روپیے مالیت کا پروجیکٹ ہے جس میں سے۱۵۰کروڑ روپیے سول کام پر صرف کئے جا رہے ہیں۔
سی ای او نے کہا کہ یہ ایک بہت ہی اہم پروجیکٹ ہے جس سے نہ صرف شعبہ سیاحت کو دوام ملے گا بلکہ علاقے کی معیشت بھی مستحکم ہوگی۔
یادو نے کہا کہ یہ پروجیکٹ سیاحت کے اعتبار سے سب سے زیادہ اہمیت کا حامل ہے ۔
قابل ذکر ہے لیفٹیننٹ گورنر منوج سنہا کی جانب سے متعدد اسٹیک ہولڈرز اور ماہرین سے مشورہ اور اسمارٹ سٹی اور توی ریور فرنٹ پروجیکٹس کے تحت اسے دوبارہ شروع کرنے کے حکم کے بعد اس پر جاری کام میں سرعت آئی ہے ۔
ڈیڑھ کول میٹر لمبا اور۶سو میٹر چوڑا یہ مصنوعی جھیل بیلیچرانہ میں جموں شہر کے چوتھے پل کے قریب تعمیر کیا جا رہا ہے ۔