سرینگر/۳جون
ہندوستان میں ریلوے کی بدترین آفات میں سے ایک میں، کم از کم 238 افراد ہلاک اور 900 سے زیادہ زخمی ہوئے جب اوڈیشہ کے بالاسور ضلع میں ایک خوفناک سلسلہ میں یکے بعد دیگرے تین ٹرینیں آپس میں ٹکرا گئیں، جس نے بڑے پیمانے پر بچاو¿ اور انخلاءکا عمل شروع کیا۔
ٹرین حادثہ بالاسور ضلع کے بہناگا بازار اسٹیشن کے قریب، کولکاتہ سے تقریباً 250کلومیٹر جنوب میں اور بھونیشور سے 170 کلومیٹر شمال میں، جمعہ کی شام تقریباً 7 بجے ہوا، جس سے ریلوے کی وزارت نے تحقیقات کا حکم دیا۔
انڈین ریلوے نے ایک بیان میں کہا کہ ٹرین حادثے کی تحقیقات کی قیادت اے ایم چودھری، کمشنر ریلوے سیفٹی، ساو¿تھ ایسٹ سرکل کریں گے۔ کمشنر ریلوے سیفٹی شہری ہوا بازی کی وزارت کے تحت آتا ہے۔
اس دوران وزیر اعظم نریندر مودی آج اڈیشہ کے بالاسور میں ٹرین حادثے کی جگہ کا دورہ کریں گے اور کٹک کے اسپتالوں میں زخمیوں سے ملاقات کریں گے۔ انہوں نے کل رات اڈیشہ میں ٹرین حادثے میں 230 سے زیادہ لوگوں کی موت کے بعد ریلوے حکام کے ساتھ ایک اعلیٰ سطحی میٹنگ بھی بلائی۔ 650 سے زائد زخمی ہوئے۔