نئی دہلی/۱۹؍اپریل
ملک میں جیواشم ایندھن کی قیمت میں منگل کو بھی کوئی تبدیلی نہیں ہوئی۔ آئل مارکیٹنگ کمپنیوں نے گزشتہ ۱۳دنوں میں پٹرول اور ڈیزل کی قیمتوں میں کوئی تبدیلی نہیں کی ہے ۔
انڈین آئل کارپوریشن کے پرائس نوٹیفکیشن کے مطابق دہلی میں پٹرول۴۱ء۱۰۵روپے فی لیٹر اور ڈیزل۶۷ء۹۶روپے فی لیٹر فروخت ہو رہا ہے ۔ اس کے ساتھ ہی ممبئی میں پٹرول کی قیمت۵۱ء۱۲۰روپے فی لیٹر اور ڈیزل کی قیمت۷۷ء۱۰۴روپے فی لیٹر مقرر کی گئی ہے ۔
چنئی میں پٹرول کی قیمت ۸۵ء۱۱۰روپے اور ڈیزل کی قیمت۸۴ء۱۰۰روپے پر برقرار ہے ۔ کولکتہ میں پٹرول اور ڈیزل کی قیمت بالترتیب ۱۲ء۱۱۵روپے فی لیٹر اور۸۳ء۹۹روپے فی لیٹر ہے ۔
روس اور یوکرین کے درمیان جاری بحران کے درمیان بین الاقوامی مارکیٹ میں خام تیل کی قیمتوں میں تیزی آئی ہے ۔ لندن برینٹ کروڈ کی قیمت آج۷۲ء۰فیصد اضافے کے ساتھ۹۸ء۱۱۳ڈالر فی بیرل اور یو ایس کروڈ۴۳ء۰فیصد اضافے کے ساتھ۶۸ء۱۰۸ڈالر فی بیرل پر ہے ۔
ملک میں پٹرول اور ڈیزل کی قیمتوں میں۱۳۷دن کے استحکام کے بعد گزشتہ ۲۲مارچ سے اضافہ ہونا شروع ہوا۔ کمپنیوں نے گزشتہ۲۶دنوں میں پٹرول اور ڈیزل کی قیمتوں میں ۱۴بار اضافہ کیا۔ اس دوران ان کی قیمتوں میں تقریباً ۱۰روپے فی لیٹر اضافہ ہوا ہے ۔
منگل کو لگاتار۱۳واں دن ہے جب قیمتوں میں کوئی تبدیلی نہیں کی گئی ہے ۔ اس سے قبل یکم اپریل کو قیمتوں میں کوئی تبدیلی نہیں کی گئی تھی۔