پونچھ میں ایل او سی پر ایک در انداز ہلاک

جموں//
سرکاری ذرائع کے مطابق جموں کشمیر کے ضلع پونچھ کے مینڈھر علاقے میں لائن آف کنٹرول پر در اندازی کی کوشش کرنے کے دوران ایک در انداز کو ہلاک کر دیا گیا۔
مذکورہ ذرائع نے بتایا کہ میںڈھر میں ایل او سی پر۱۹؍اور۲۰مئی کی درمیانی شب فوجی جوانوں نے در اندازی کی کوشش کرنے والے ایک در انداز کو مار گرایا۔
واقعے کے بعد اس علاقے میں بڑے پیمانے پر تلاشی آپریشن شروع کر دیا گیا ہے ۔ذرائع کے مطابق جائے موقع سے ایک آئی ای ڈی اور کچھ نشہ آور مواد بر آمد کیا گیا۔
قابل ذکر ہے کہ جی ٹونٹی اجلاس کے پیش نظر جموں وکشمیر میں سیکورٹی کا کڑی بندو بست کیا گیا ہے ۔