راجوری میں۱۸سالہ لڑکے کی غرقآب ہونے سے موت

جموں//
جموں وکشمیر کے ضلع راجوری میں ایک ۱۸سالہ لڑکے کی جمعے کے روز دریا میں غرقآب ہونے سے موت واقع ہوگئی۔
ذرائع نے بتایا کہ راجوری کے کنتھول علاقے میں ایک دارلعلوم میں زیر تعلیم طالب علم کی نہانے کے دوران غرقاب ہونے سے موت واقع ہوگئی۔
متوفی کی شناخت طالب حسین ولد محمد یوسف ساکن ماہور ریاسی کے بطور ہوئی ہے ۔انہوں نے بتایا کہ سخت کوششوں کے باجود بھی اس کو بچایا نہ جا سکا۔
دریں اثنا پولیس نے واقعے کی تصدیق کرتے ہوئے کہا کہ لاش کو قانونی لوازمات کی ادائیگی کے بعد لواحقین کے حوالے کی جائے گی۔