کوکر ناگ تصادم : جنگجو فرار ہونے میں کامیاب

سرینگر/۱۷؍اپریل
جنوبی ضلع اسلام آباد کے وتہ نار کوکر ناگ علاقے میں ابتدائی فائرنگ کے بعد جنگجو سیکورٹی فورسز کو چکمہ دے کر فرار ہونے میں کامیاب ہوئے ہیں۔
سرکاری ذرائع نے بتایا کہ ہفتے کی سہ پہر کو سیکورٹی فورسز نے مصدقہ اطلاع موصول ہونے کے بعد وتہ نا ر کوکر ناگ کے جنگلی علاقے کو محاصرے میں لے کر تلاشی آپریشن شروع کیا۔
ذرائع نے بتایا کہ جوں ہی سیکورٹی فورسز کے اہلکار مشتبہ مقام کے نزدیک پہنچے تو وہاں پر موجود جنگجووں نے فورسز پر اندھا دھند فائرنگ کی جس کے نتیجے میں ایک فوجی گولیاں لگنے سے زخمی ہوا اور بعد میں وہ زخموں کی تا ب نہ لا کر چل بسا۔
ذرائع نے کہاکہ سیکورٹی فورسز نے ایک وسیع علاقے کو محاصرے میں لے کر رات بھر تلاشی آپریشن جاری رکھا تاہم اس دوران ملی ٹینٹوں کا کئی پر تہ پتہ نہیں چل سکا۔اُن کے مطابق اتوار صبح سویرے تلاشی آپریشن اختتام کو پہنچا۔
پولیس ذرائع نے اس حوالے سے بتایا کہ ابتدائی فائرنگ یا رات کے اوقات میں ملی ٹینٹ فرار ہونے میں کامیاب ہوئے ہیں۔انہوں نے بتایا کہ گرچہ آپریشن کو ختم کیا گیا لیکن آس پاس علاقوں میں سیکورٹی فورسز کی تعیناتی بڑھائی گئی ہے ۔