سرینگر//
کشمیر کے بالائی علاقوں میں کچھ علاقوں میں تازہ برف باری جبکہ میدانی علاقوں میں بارش ہوئی۔
محکمہ موسمیات کے ایک ترجمان نے کہا کہ لائن آف کنٹرول (ایل او سی) کے قریب مژھل میں تقریباً تین انچ برف باری ریکارڈ کی گئی۔
ترجمان نے بتایا کہ سری نگر شہر سمیت میدانی علاقوں میں رات بھر کی بارش ہوئی جس سے درجہ حرارت میں کمی آئی۔محکمہ کا کہنا ہے کہ وقفے وقفے سے بارش کا سلسلہ منگل کی شام تک جاری رہنے کا امکان ہے۔
بدھ کے روز کئی مقامات پر وقفے وقفے سے ہلکی سے درمیانی بارش یا اونچائی پر برفباری کا امکان ہے۔
ترجمان نے بتایا کہ اس دوران وادی کے میدانی علاقوں میں۱۸؍اور۱۹؍اپریل کو ہلکی سے درمیانی درجے کی بارشیں جبکہ پہاڑی علاقوں میں ہلکی سے درمیانی درجے کی برف باری کا امکان ہے ۔
ترجمان نے کہا کہ اس دوران۲۰ سے۳۰کلو میٹر فی گھنٹے کی رفتار سے تیز ہوائیں بھی چل سکتی ہیں۔ان کا کہنا تھا کہ وادی میں رک رک کر بارشوں کا سلسلہ ۲۱؍اپریل تک جاری رہ سکتا ہے ۔
ترجمان نے کہا کہ بعد ازاں موسم میں بہتری متوقع ہے اور بعد ازاں۲۲ اپریل سے۲۵؍اپریل تک موسم خشک رہنے کا امکان ہے ۔انہوں نے کہا کہ گذشتہ چوبیس گھنٹوں کے دوران سرینگر میں۹ء۶ملی میٹر بارش ریکارڈ ہوئی ہے جبکہ قاضی گنڈ میں۰ء۱۱ ملی میٹر‘پہلگام میں۴ء۲۲ملی میٹر‘ گلمرگ میں۲ء۱۲ملی میٹر اور کپوارہ میں۷ء۱۵ملی میٹر ریکارڈ ہوئی ہے ۔
ادھر وادی میں بارشوں کے بیچ شبانہ درجہ حرارت میں بہتری درج ہوئی ہے ۔
دارلحکومت سرینگر میں کم سے کم درجہ حرارت۰ء۱۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۷ء۱۰ ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۶ء۳ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۵ء۳ ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت۶ء۵ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۵ء۵ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۶ء۸ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۷ء۸ ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت۰ء۵ڈگری سینٹی گریڈ ریکارڈ کیا گیا جبکہ ضلع کرگل میں کم سے کم درجہ حرارت۴ء۵ڈگری سینٹی گریڈ ریکارڈ ہوا ہے ۔