جموں//
حکومت جموں کشمیر مرکز کے زیر انتظام علاقے میں اپنے پولیس اہلکاروں کیلئے حفاظتی اقدام کے طور پر۲۰ہزار سے زیادہ بلٹ پروف جیکٹس اور ہیڈ گیئر خریدنے کیلئے تیار ہے۔
حکام نے بتایا کہ پولیس ہیڈ کوارٹر نے حال ہی میں بلٹ پروف جیکٹس، ہیڈ گیئر (پٹکاس)، گاڑیاں،چشمے اور پوڈیم سمیت مختلف اشیاء کی خریداری کیلئے چھ ای ٹینڈرز جاری کیے ہیں۔
حکام نے کہا کہ ۱۱۹۰۰ بلٹ پروف ہیڈ گیئر اور۸۲۰۰ جیکٹس کی خریداری کیلئے ای ٹینڈرز بھیجے گئے ہیں تاکہ پولیس اہلکاروں کو تحفظ فراہم کیا جا سکے۔انہوں نے کہا کہ بلٹ پروف جیکٹس چھوٹے، درمیانے اور بڑے تین زمروں میں ہیں۔
حکام نے کہا کہ کل۱۱۹۰۰ بلٹ پروف ہیڈ گیئر میں سے۴۹۰۰ جموں و کشمیر پولیس کو اور ۷۰۰۰ہزار سی آر پی ایف کے دستوں کو دیئے جائیں گے۔
اس کے علاوہ، جموں و کشمیر پولیس نے۲۰بلٹ پروف پوڈیم‘۲۸۱ بلٹ پروف شیشے‘۲ بلٹ پروف اسکارپیو گاڑیاں اور۱۵ بلٹ پروف نشانے باز گاڑیوں کی خریداری کیلئے ٹینڈر بھی جاری کیے ہیں۔
اسسٹنٹ انسپکٹر جنرل، پروویڑن اینڈ ٹرانسپورٹ، پولیس ہیڈ کوارٹر کے مطابق ان حفاظتی اشیاء کی سپلائی کیلئے ٹینڈر اصل مینوفیکچررز یا ان کے مجاز ڈیلروں سے کیے گئے ہیں۔