جعلی ایڈیشنل ڈائریکٹر پی ایم او معاملہ:کشمیر پولیس کی ایک ٹیم گجرات روانہ

سرینگر//
خود کو وزیر اعظم دفتر دلی کے ایڈیشنل ڈائریکٹر کے طور ظاہر کرنے والے کرن بھائی پٹیل کیس کی تحقیقات کا دائرہ وسیع کرتے ہوئے جموں وکشمیر پولیس کی ایک ٹیم ہنگامی طور گجرات روانہ ۔
ذرائع نے بتایا کہ کرن بھائی پٹیل کی مزید جانکاری اکھٹا کرنے کی خاطر پولیس ٹیم فوری طورپر گجرات روانہ ہوئی ہے ۔
اطلاعات کے مطابق جموں کشمیر پولیس کی جانب سے کرن بھائی پٹیل کی گرفتاری کے بعد حساس اداروں میں ہلچل مچ گئی ہے ۔
معلوم ہوا ہے کہ جموںکشمیر پولیس نے کیس کی مزید تفتیش کی خاطر مختلف زاویوں سے تحقیقات شروع کی ۔
ذرائع نے بتایا کہ جموں وکشمیر پولیس کی ایک ٹیم گجرات کے لئے بھی روانہ ہوئی جہاں پر وہ اس جعلساز کے بارے میں مزید تفصیلات حاصل کرکے اعلیٰ آفیسران کو اس کی جانکاری فراہم کریں گے ۔
ذرائع کا مزید کہنا ہے کہ کرن بھائی پٹیل نے جموں وکشمیر کے دورے کے دوران سینئر آفیسران کے ساتھ میٹنگیں کی ہیں۔
ذرائع نے بتایاکہ مرکزی وزارت داخلہ بھی اس کیس کو دیکھ رہی ہے کہ کیسے جعلساز نے آفیسران کی آنکھوں میں دھول جھونک کر زیڈ پلیس سیکورٹی حاصل کی ۔
اس دوران پٹیل کو آج سرینگر کی ایک عدالت میں پیش کیا گیاجہاں اسے پندرہ روزہ جوڈیشل ریمانڈ پر جیل بھیج دیا۔
اطلاعات کے مطابق جموں وکشمیر پولیس کی جانب سے گرفتار کئے گئے جعلساز کرن بھائی پٹیل کو جمعے کے روز سری نگر کی ایک عدالت میں پیش کیا گیا۔معلوم ہوا ہے کہ جج موصوف نے کیس کا جائزہ لینے کے بعد ملزم کو۱۵روزہ جوڈیشل ریمانڈ پر جیل بھیج دیا۔