نئی دہلی//
وزیر اعظم نریندر مودی نے آج پاکستان کے نو منتخب وزیر اعظم شہباز شریف کو مبارکباد دی۔
شریف کو مبارکباد دیتے ہوئے پی ایم مودی نے یہ پیغام بھی بھیجا کہ ’ہندوستان دہشت گردی سے پاک خطے میں امن اور استحکام کا خواہاں ہے‘۔
پاکستان مسلم لیگ نواز (پی ایم ایل این) کے صدر اور سابق قائد حزب اختلاف شہباز شریف ۱۷۴ ووٹ لے کر قومی اسمبلی سے پاکستان کے ۲۳یں وزیراعظم منتخب ہوگئے۔
پاکستان کے وزیراعظم منتخب ہونے کے فوراً بعد، شہباز شریف نے پیر کو اپنی افتتاحی تقریر میں کشمیر میں آرٹیکل ۳۷۰ کی منسوخی کا معاملہ اٹھایا اور الزام لگایا کہ وادی میں لوگوں کا خون بہہ رہا ہے اور پاکستان انہیں ’سفارتی اور اخلاقی حمایت‘فراہم کرے گا۔ اس معاملے کو ہر بین الاقوامی فورم پر اٹھانے کے علاوہ۔
شریف نے کہا کہ پڑوسی انتخاب کا معاملہ نہیں، یہ ایسی چیز ہے جس کے ساتھ ہمیں رہنا ہے اور بدقسمتی سے بھارت کے ساتھ پاکستان کے تعلقات شروع سے ہی اچھے نہیں رہے۔
پاکستان کے نومنتخب وزیر اعظم نے کہا کہ ہم بھارت کے ساتھ اچھے تعلقات چاہتے ہیں لیکن اس وقت تک پائیدار امن ممکن نہیں جب تک مسئلہ کشمیر حل نہیں ہو جاتا۔