جموں/۱۳مارچ
اِنتظامی کونسل کی ایک میٹنگ آج یہاں لیفٹیننٹ گورنر منوج سِنہا کی صدارت میں منعقد ہوئی جس میں مختلف عوامی مقاصد کیلئے زمین کی منتقلی کے لئے مختلف محکموں کی تجاویز کو منظوری دی۔
میٹنگ میں لیفٹیننٹ گورنر کے مشیر راجیو رائے بھٹناگر ،چیف سیکرٹری ڈاکٹر ارون کمار مہتا اور لیفٹیننٹ گورنر کے پرنسپل سیکرٹری ڈاکٹر مندیپ کمار بھنڈاری نے شرکت کی۔
اِنتظامی کونسل نے مختلف علاقوں میں بجلی کی فراہمی کو بڑھانے کیلئے پاور ڈیولپمنٹ ڈیپارٹمنٹ کے حق میں اَراضی منتقل کی۔
اِنتظامی کونسل نے۳۱۵؍ایم وی اے‘۱۳۲/۲۲۰کے وِی جی آئی ایس گرڈ سب سٹیشن کی تعمیر کیلئے گائوں پوہر وپٹھ تحصیل لنگیٹ ضلع کپواڑہ میں واقع ۴۲ کنال ۱۵مرلہ‘۱۱/۳۳ سب سٹیشن کی تعمیر کیلئے گائوں نور پورہ تحصیل اونتی پورہ ضلع پلوامہ کیلئے۲کنال اراضی‘اسی طرح ایک کنال۱۰مرلہ گائوں اوڈینا تحصیل سنبل ضلع بانڈی پورہ میں۱۵ء۳؍ایم وِی اے۱۱/۳۳کے وِی سب سٹیشن کی تعمیرکیلئے اراضی منتقل کی گئی۔ اس ریسونگ سٹیشن سے پی ایم پیکیج ملازمین ٹرانزٹ رہائش کو بجلی فراہم کی جائے گی۔
مزید یہ کہ اِنتظامی کونسل نے۸۰ کنال ۴مرلہ ( ضلع سرینگر میں۲۰کنال اور گائوں رنبیر پورہ ضلع اننت ناگ میں۶۰کنال ۴مرلہ ) اراضی کو ڈیزاسٹر مینجمنٹ ریلیف ، بحالی اور تعمیر نو( ڈی ایم آر آر آر ) کے حق میں وزیر اعظم پیکیج کے تحت تعینات کشمیری مائیگرنٹ ملازمین کے لئے ضلع سری نگر اور اننت ناگ میں ٹرانزٹ رہائش کی تعمیر کے لئے منتقل کرنے کا بھی فیصلہ کیا۔
اس دوران کونسل کی میٹنگ میں ڈیوٹی کے دوران جام شہادت نوش کرنے والے سینٹرل آرمڈپیرا ملٹری فورسز( سی اے پی ایف ) کے اہلکاروں کے لواحقین کو ایکس گریشیا ریلیف میں اِضافہ کرنے کی منظور ی دی۔
فیصلے کے مطابق جموں وکشمیر کے سی اے پی ایف اہلکار جو جموںوکشمیر کے علاقائی دائرے اِختیار کے اَندر یا باہر ڈیوٹی کے دوران جام شہادت نوش کرتے ہیں اُنہیں فراہم کی جانے والی ایکس گریشیا ریلیف ملے گی۔یہ فیصلہ جموںوکشمیر یوٹی اِنتظامیہ کے سیکورٹی فورسز کے لواحقین کی حمایت کرنے کے عزم کو ظاہر کرتاہے جو قوم کی خدمات میں سب سے بڑی قربانی دیتے ہیں۔
فیصلے کے مطابق شہید سی اے پی ایف اہلکاروں کے لواحقین کو اَب ۲۵ لاکھ روپے ایکس گریشیا ریلیف کے طور پر ملیں گے جو کہ گذشتہ۵لاکھ روپے کی رقم سے کافی زیادہ ہے ۔