ٹینک شکن میزائل’ہیلینا‘کا کامیاب تجربہ

نئی دہلی//
مقامی ساختہ اور ہیلی کاپٹر سے داغے جانے والے اینٹی ٹینک گائیڈڈ میزائل ’ہیلینا‘کا پیر کے روز بلندی سے کامیاب تجربہ کیا گیا۔
یہ تجربہ ڈیفنس ریسرچ اینڈ ڈیولپمنٹ آرگنائزیشن(ڈی آر ڈی او) آرمی اور ایئر فورس کے سائنسدانوں اور افسران نے مشترکہ طور پر کیا گیا ہے ۔
ٹینک شکن میزائل ہیلینا کا تجربہ ایک جدید لائٹ ہیلی کاپٹر سے کیا گیا اور اس نے مصنوعی ٹینک کے ہدف کو کامیابی سے نشانہ بنایا۔ انفرا ریڈ سیکر کی رہنمائی لینے والا یہ میزائل، پری لانچ لاکنگ موڈ پر کام کرتا ہے اور یہ دنیا کے جدید ترین اینٹی ٹینک ہتھیاروں میں سے ایک ہے ۔
پوکھرن میں اس کے کامیاب تجربے کے بعد اب لائٹ ہیلی کاپٹر کو اس میزائل سے لیس کرنے کی راہ ہموار ہوگئی ہے ۔ تجربے کے وقت فوج کے سینئر کمانڈر اور ڈی آر ڈی او کے سینئر افسران موجود تھے ۔
وزیر دفاع راجناتھ سنگھ اور ڈی آر ڈی او کے چیئرمین نے بہتر ربط و ضبط کے ذریعے حاصل کی گئی کامیابی کیلئے سائنسدانوں اور فوجی اہلکاروں کو مبارکباد دی ہے ۔