’حادثات اور ٹریفک جام سے پاک شاہراہ اولین ترجیح‘

سرینگر//
’’سرینگر جموںشاہرہ پرحادثات کی روک تھام اور ٹریفک جام سے پاک ٹریفک ہماری اولین ترجیحات میں شامل ہے ‘‘۔
ان باتوں کا اظہار ڈپٹی انسپکٹر جنرل آف پولیس ٹریفک جموںشریدھر پاٹل نے چارج سنبھالنے کے بعد قومی شاہراہ کا پہلا دورہ کیا۔
اس دوران ان کے ساتھ ایس ایس پی ٹریفک موہتا شرما نے افسر کے ساتھ ناشری سے بانہال تک کے دورے کے دوران افسران کو نیشنل ہائی وے کی حالت، نیشنل ہائی وے پر بلیک اسپاٹس اور رکاوٹوں کے بارے میں جانکاری دی ہے۔
پاٹل کو ٹریفک پولیس کے افسران اور اہلکاروں کو درپیش زمینی مشکلات کے بارے میں بھی آگاہ کیا۔افسر نے خود لینڈ سلائیڈ اور دلواس، مہر، پنتھیال اور شیربی بی سمیت ہائی وے کے مٹی کے تودے گر آنے والے علاقوں کا دورہ کرکے زمینی صورتحال کا جائزہ لیا۔
ڈی آئی جی نے تعینات افرادی قوت کو زمینی فرائض کی انجام دہی کے دوران پختہ اور شائستہ رہنے کے بارے میں بتایا۔ پاٹل نے پروجیکٹ ڈائریکٹر نیشنل ہائی وے کے ساتھ ایک انٹرایکٹو سیشن کا انعقاد کیا اور قومی شاہراہ کی حالت کو بہتر بنانے کے طریقوں پر تبادلہ خیال کیا۔بعد ازاں افسر نے ٹریفک پولیس آفس رامبن میں نیشنل ہائی وے پر تعینات ڈی ایس پی کے ساتھ میٹنگ کی اور انہیں ہائی وے پر فرائض کی انجام دہی کے دوران ضابطوں کے ساتھ نفاذ کے بارے میں آگاہ کیا۔
پاٹل نے نیشنل ہائی وے کو حادثات سے پاک کرنے پر زور دیا اور افسران کو ہدایت دی کہ وہ اوور ٹیک کرتے ہوئے ٹریفک کی آزادانہ روانی میں رکاوٹ ڈالنے والی گاڑیوں کے چالان کرکے ہائی وے کو بھیڑ سے پاک بنائیں۔
ڈی آئی جی ٹریفک نے اوور لوڈنگ‘ اوور اسپیڈنگ اور نشے میں ڈرائیونگ کے خلاف بھی کارروائی پر زور دیا۔