بانڈی پورہ سڑک حادثے میں چار مسافر زخمی

سرینگر///
شمالی ضلع بانڈی پورہ کے گنڈ جہانگیر علاقے میں جمعرات کے روز مسافر بردار گاڑی کو حادثہ پیش آیا جس کے نتیجے میں چار افراد زخمی ہوئے ۔
اطلاعات کے مطابق گنڈ جہانگیر میں اُس وقت سنسنی کا ماحول پھیل گیا جب مسافر بردار گاڑی ڈرائیور کے قابو سے باہر ہو کر سڑک پر الٹ گئی جس کے نتیجے میں اُس میں سوار چار مسافرزخمی ہوئے ۔
معلوم ہوا ہے کہ آس پاس موجود لوگوں نے زخمیوں کو طبی امداد کی خاطر نزدیکی ہسپتال منتقل کیا ۔
پولیس نے معاملے کی نسبت کیس درج کرکے مزید تحقیقات شروع کی ۔