سوپورپر اسرار دھماکے میںشہری زخمی

سرینگر//
شمالی کشمیر کے ضلع بارہمولہ کے وار پورہ سوپور علاقے میں جمعرات کی صبح ایک شخص پر اسرار دھماکے میں زخمی ہوگیا۔
ذرائع نے بتایا کہ سوپور کے وار پورہ علاقے میں جمعرات کی صبح ایک شخص اپنے باغ میں زمین کھود رہا تھا کہ اس دوران پر اسرار دھماکہ ہوا جس کے نتیجے میں وہ زخمی ہوگیا۔
زخمی کی شناخت محمد جمال ڈار ولد غلام محمد ڈار کے بطور ہوئی ہے ۔
ذرائع نے کہا کہ زخمی کو علاج و معالجے کیلئے فوری طور نزدیکی ہسپتال منتقل کیا گیا جہاں سے اس کو شیر کشمیر انسٹی ٹیوٹ آف میڈیکل سائنسز صورہ ریفر کیا گیا۔