چلتی ٹرین کی زد میں آکر ایک شخص کی موت

سرینگر//
سرینگر کے نوگام میں بڈگام، سرینگر ریلوے سیکشن میں جمعرات کی صبح ایک شخص چلتی ٹرین کی زد میں آکر لقمہ اجل بن گیا۔
سرکاری ذرائع نے بتایا کہ سرینگر کے نوگام میں بڈگام، سرینگر ریلوے سیکشن میں ایک شخص چلتی ٹرین کی زد میں آکر شدید زخمی ہوگیا۔
ذرائع نے کہا کہ زخمی شخص کو فوری طور علاج ومعالجے کیلئے نزدیکی ہسپتال منتقل کیا گیا جہاں وہ زخموں کی تاب نہ لا کر دم توڑ گیا۔
متوفی کی شناخت ثناواللہ بٹ ولد عبدالاحد بٹ ساکن لاجورہ پلوامہ کے بطور ہوئی ہے ۔
دریں اثنا پولیس نے اس ضمن میں ایک کیس درج کرے کارروائیاں شروع کی ہیں۔