سرینگر/30جنوری
سرکاری اراضی پر قبضہ کرنے والوں کے خلاف کریک ڈاون جاری رکھتے ہوئے ضلع انتظامیہ اننت ناگ نے سم تھن بجبہاڑہ میں چھ دکانوں کو منہدم کیا ۔
معلوم ہوا ہے کہ ضلع میں کئی کنال اراضی کو بھی باز یاب کیا گیا ہے ۔
اطلاعات کے مطابق ضلع اننت ناگ کے سم تھن بجبہاڑہ گاوں میں انتظامیہ نے سرکاری زمین پر تعمیر کئے گئے چھ دکانوں کو منہدم کیا ۔
ذرائع نے بتایا کہ ضلع بھر میں سٹیٹ لینڈ اور کاہچرائی پر قبضہ کرنے والوں کے خلاف بڑے پیمانے پر مہم شروع کی گئی اور ابتک کئی سو کنال اراضی کو باز یاب کیا گیا۔
ذرائع کا کہنا ہے کہ با اثر افراد کے خلاف بھی کارروائی عمل میں لائی جارہی ہیں۔
دریں اثنا نیشنل کانفرنس کے ضلع صد رکولگام اور ہوم شالی بوگ کے سابق ممبر اسمبلی عبدالمجید لارمی کو انتظامیہ نے اننت ناگ میں سرکاری زمین پر قبضہ ہٹانے کی خاطر نوٹس ارسال کی ہے ۔
زمینوں سے بے دخلی کا معاملہ: بٹھنڈی اور سنجواں جموں میں احتجاج
جموں/30جنوری
جموںکشمیر انتظامیہ کی جانب سے بٹھنڈی اور سنجواں جموں میں اراضی خالی کرنے کے حوالے سے نوٹسیں بھیجنے کے خلاف لوگوں کی ایک بڑی تعدد نے سڑکوں پر آکر احتجاجی مظاہرئے کئے ۔
معلوم ہوا ہے کہ بٹھنڈی اور سنجواں اور ملک مارکیٹ میں لوگ جمع ہوئے اور حکومت مخالف نعرے لگائے ۔
مظاہرین نے بتایا کہ ہم سالہاں سال سے یہاں پر رہائش پذیر ہیں اور حکومت کی جانب سے اُنہیں نوٹسیں بھیجی جارہی ہیں جو ناقابل برداشت ہے ۔
ذرائع نے بتایا کہ بٹھنڈی میں تمام تجارتی بازار بند ہیں جبکہ سنجواں او رملک مارکیٹ میں لوگوں نے دھرنادیا۔
دریں اثنا پولیس کے سینئر آفیسران جائے موقع پر پہنچے اور مظاہرین سے احتجاج ختم کرنے کی اپیل کی ۔
حکام نے لوگوں کو بتایا کہ غیر قانونی کمرشل عمارتوں کے مالکان کو ہی نوٹسیں بھیجی جارہی ہیں ، غریب لوگوں اور رہائشی مکانات کو چھیڑا نہیں جائے گا۔
حکام کی یقین دہانیوں کے باوجود بھی لوگوں احتجاج کرنے پر بضد رہے ۔