فورسز کے اہلکار غائب تھے ‘ میں اس بات کا گواہ ہوں:عمر عبداللہ

سرینگر//
جموںکشمیر نیشنل کانفرنس کے نائب صدر عمر عبداللہ نے الزام لگایا ہے کہ بھارت جوڑویاترا جمعے کے روز جوں ہی قاضی گنڈ پہنچی تو وہاں پر سیکورٹی کا کوئی انتظام نہیں تھا۔
عمرعبداللہ نے بتایا کہ سیکورٹی فورسز کے اہلکار غائب تھے اور میں اس بات کا گواہ ہوں۔
این سی نائب صدر نے ٹویٹ کے ذریعے جانکاری دیتے ہوئے بتایا کہ جوں ہی یاترا قاضی گنڈ کے قریب پہنچی تو وہاں پر سیکورٹی فورسز کے اہلکار راہول گاندھی کے اردگرد گھیرا برقرار نہیں رکھ پائے ۔انہوں نے کہاکہ جمعے کے روز گیارہ کلومیٹر پیدل چلنا تھا لیکن سیکورٹی کے پختہ انتظامات نہ ہونے کے باعث یاترا کو منسوخ کرناپڑا۔
بتاد یں کہ نیشنل کانفرنس کے نائب صدر اور سابق وزیر اعلیٰ عمر عبداللہ نے جمعے کو بانہال علاقے میں پہنچ کر راہل گاندھی کی قیادت میں جاری بھارت جوڑو یاترا میں شرکت کی۔
کنیا کماری سے۷ستمبر کو شروع ہونے والی یہ یاترا۳۰؍جنوری کو سری نگر میں اختتام پذیر ہوگی۔