دیگر ممالک کے مقابلے ایندھن کی قیمتوں میں محض پانچ فیصد اضافہ ہوا: پوری

نئی دہلی//مرکزی وزیر ہردیپ سنگھ پوری نے منگل کو کہا کہ ہندوستان میں ایندھن کی قیمتوں میں اضافہ دوسرے ممالک کے مقابلے بہت کم ہے۔
یوکرین کی صورتحال پر بحث میں حصہ لیتے ہوئے مسٹر پوری نے لوک سبھا میں کہا کہ روس-یوکرین جنگ نے پوری دنیا میں ایندھن کی قیمتوں کو متاثر کیا ہے۔ انہوں نے کہا کہ اپریل 2021 سے مارچ 2022 کے درمیان دیگر ممالک کے مقابلے میں امریکہ میں پیٹرول اور ڈیزل کی قیمتوں میں 51 فیصد، کینیڈا میں 52 فیصد، جرمنی میں 55 فیصد، فرانس میں 50 فیصد، اسپین میں 58 فیصد اضافہ ہوا لیکن ہندوستان میں محض پانچ فیصد اضافہ ہوا ہے۔
انہوں نے کہا کہ ہندوستان میں گذشتہ 12-13 دنوں میں پیٹرول کی قیمت میں تقریباً نو روپے فی لیٹر کا اضافہ ہوا ہے جبکہ بین الاقوامی بازار میں قیمتوں میں زبردست اضافہ ہوا ہے۔