جموں:سرور سڑک حادثے میں میاں بیوی ہلاک

جموں//
جموں کے سرور علاقے میں تیز رفتار ٹرک نے موٹر سائیکل کو ٹکر ماری جس وجہ سے میاں بیوی کی برسر موقع ہی موت واقع ہوئی۔
اطلاعات کے مطابق ہفتے کی سہ پہر کو جموں کے سرور علاقے میں تیز رفتا رٹرک نے موٹر سائیکل کو زور دار ٹکر ماری جس وجہ سے موٹر سائیکل پر سوار میاں بیوی خون میں لت پت ہوئے ۔
معلوم ہوا ہے کہ آس پاس موجود لوگوں نے زخمیوں کو علاج ومعالجہ کی خاطر نزدیکی ہسپتال پہنچایا تاہم وہاں پر تعینات ڈاکٹروں نے دونوں کو مردہ قرار دیا۔
پولیس ذرائع نے حادثے کی تصدیق کرتے ہوئے بتایا کہ ہلاک شدگان کی شناخت کیلئے کارروائی شروع کی گئی ہے ۔
دریں اثنا اس سے پہلے جموں کے کٹھوعہ ضلع کے تحصیل بلاور علاقے میں مسافروں سے بھرا ایک ٹمپوں گہری کھائی میں جا گرا ہے جس کے نتیجے میں گاڑی میں سوار۲۰؍افراد زخمی ہوئے جہاں بعد میں زخموں میں۵زخموں کی تاب نہ لا کر دم توڑ بیٹھے ہیں ۔
اس دوران واقعے کے حوالے سے اطلاع موصول ہونے کے ساتھ سب سے پہلے مقامی لوگ اور اس کے بعد پولیس اور باقی لوگ بھی جائے واردات پر پہنچے اور بچاؤ کارروائیوں میں جٹ گئے ۔
پولیس اور لوگوں نے جب بچاؤ کارروائیاں شروع کی تو ٹیم نے یہاں ۴؍افراد کو مردہ پایا جبکہ باقی۱۶زخمیوں کو علاج معالجے کیلئے ہسپتال ،منتقل کیا ہے ایک اور زخمی کرشن چند ساکن دھنو پیرول زخموں کی تاب نہ لا کر دم توڑ بیٹھا ۔
پولیس نے مرنے ولالوں کی شناخت بنٹو،ہنس راج،اجیت سنگھ،امرو کے طور کی ہے۔