جموں//
سٹیٹ انوسٹی گیشن ایجنسی (ایس آئی اے)کی ایک اعلیٰ سطحی ٹیم نے نروال جموں میں دھماکے کی جگہ کا جائزہ لیا اور وہاں سے اہم ثبوت و شواہد اکھٹا کئے۔
بتادیں کہ ہفتے کے روز نروال جموں میں دو دھماکے ہوئے جس کے نتیجے میں نو افراد شدید طورپر زخمی ہوئے۔
اطلاعات کے مطابق ہفتے کی سہ پہر کو سٹیٹ انوسٹی گیشن ایجنسی (ایس آئی اے)کی ایک اعلیٰ سطحی ٹیم نے نروال جموں میں اُس کا جگہ کا معائنہ کیا جہاں پر دو دھماکے ہوئے۔
ذرائع نے بتایا کہ ایس آئی اے کی ٹیم جس کی سربراہی ڈی ایس پی کر رہے تھے نے کئی گھنٹوں تک جائے وقوع کا معائنہ کیا اور وہاں سے اہم ثبوت و شواہد اکھٹا کئے۔
معلوم ہوا ہے کہ ایس آئی اے نے ان دھماکوں کی باریک بینی سے تحقیقات شروع کی جبکہ آس پاس علاقوں میں نصب سی سی ٹی وی کیمروں کو بھی کھنگالاجارہا ہے۔
ذرائع نے بتایا کہ سیکورٹی فورسزنے دھماکوں کی بڑے پیمانے پر تحقیقات شروع کی ۔