سرینگر///
محکمہ دیہی ترقی (آر ڈی ڈی) کے گیارہ ملازمین کو جنوبی کشمیر کے کولگام ضلع میں ڈیوٹی سے غیر مجاز غیر حاضری پر معطل کر دیا گیا۔
ایک اہلکار نے بتایا کہ ڈپٹی کمشنر (ڈی سی) کولگام، ڈاکٹر بلال محی الدین بھٹ کی ہدایت پر، اسسٹنٹ کمشنر ڈیولپمنٹ (اے سی ڈی) کولگام، محمد عمران کی سربراہی میں افسران کی ایک ٹیم نے کولگام میں محکمہ دیہی ترقی کے کئی دفاتر کا معائنہ کیا۔
معائنہ کے دوران، انہوں نے کہاکہ۱۱ ملازمین غیر مجاز طور پر اپنی ڈیوٹی سے غیر حاضر پائے گئے اور انہیں فوری طور پر ۰۲۳ کے آرڈر نمبر۱۲/اے سی ڈی کے کے تحت معطل کر دیا گیا۔
حکام نے کہا کہ اے سی ڈی نے محکمہ دیہی ترقیات کولگام کے تمام دفاتر میں صد فیصد حاضری پر زور دیا اور تمام ملازمین کو اپنی ڈیوٹی پر باقاعدگی سے حاضر ہونے کی ہدایت کی۔
حکام نے خبردار کیا کہ ملازمین کی ڈیوٹی سے غیر حاضری پر ان کے خلاف قانون کے مطابق سخت کارروائی کی جائے گی۔