سرینگر//
جموںکشمیر کی گرمائی راجدھانی سری نگر میں جمعرات کے روز جامہ تلاشیوں کے دوران وومنز پولیس اہلکار خواتین اور دوشیزاؤں کی تلاشی لے رہے تھے ۔
معلوم ہوا ہے کہ پورے شہر میں سیکورٹی کے غیر معمولی انتظامات کئے گئے ہیں جبکہ مشکوک نظر آنے والے افراد پر سی سی ٹی وی کے ذریعے نظر گزر رکھی جارہی ہیں۔
اطلاعات کے مطابق سرینگر کے قلب لالچوک ، ریگل چوک اور اُس کے ملحقہ علاقوں میں جمعرات کے روز سیکورٹی فورسز نے مسافروں ، راہگیروں کی باریک بینی سے تلاشی لی اور اُن کے شناخت کارڈ چیک کئے ۔
نامہ نگار نے بتایا کہ سرینگر میں مختلف سڑکوں پر چیک پوائنٹس قائم کئے گئے ہیں جہاں جموں وکشمیر پولیس ، سینٹرل ریزرو پولیس فورس(سی آر پی ایف )کے اہلکار تعینات کئے گئے ہیں۔
نامہ نگار نے بتایا کہ سرینگر کے لالچوک میں کئی مقامات پر عارضی چیک پوائنٹس قائم کئے گئے ہیں جہاں نہ صرف گاڑیوں کو روک کر اُن کی تلاشی لی جاتی ہے بلکہ مسافروں کے شناختی کارڈ بھی چیک کئے جاتے ہیں۔
اُن کے مطابق وومنز پولیس اہلکار خواتین اور دوشیزاؤں کو روک کر اُن کے بیگوں کی باریک بینی سے تلاشی کے بعد ہی آگے جانے کی اجازت دیتے تھے ۔
ذرائع نے بتایا کہ سرینگر میں سیکورٹی کے سخت ترین انتظامات کئے گئے ہیں تاکہ سماج دشمن عناصر کے منصوبوں کو ناکام بنایا جاسکے ۔
موصولہ اطلاعات کے مطابق شمالی کشمیر اور جنوبی کشمیر کے اضلاع کو سری نگر سے جوڑنے والی سڑکوں پر بھی سیکورٹی فورسز نے موبائل چیک پوائنٹس قائم کئے ہیں۔