ڈانگری واقعہ:معلومات فراہم کرنے کیلئے ۱۰لاکھ روپے کا انعام

جموں//
جموںکشمیر پولیس نے راجوری حملے میں ملوث جنگجوؤں کے بارے میں معلومات فراہم کرنے پر۱۰لاکھ روپیے انعام دینے کا اعلان کیا ہے ۔
پولیس کا کہنا ہے کہ جو شخص راجوری حملے میں ملوث جنگجوؤں کے بارے میں معلومات فراہم کرے گا اس کو ۱۰لاکھ روپے بطور انعام دیا جائے گا۔انہوں نے کہا کہ اطلاع دینے والے کی تفصیلات کو خفیہ رکھا جائے گا۔
بتادیں کہ ڈانگری گاؤں میں اتوار کی شام مشتبہ جنگجوؤں کی فائرنگ کے نتیجے میں چار افراد کی موت جبکہ چھ دیگر زخمی ہوگئے تھے اور پھر پیر کی صبح اسی جگہ ایک آئی ای ڈی دھماکہ ہوا جس کے نتیجے میں دو کمسن بچے از جان ہوگئے ۔
این آئی اے کے ایک خصوصی ٹیم منگل کی صبح جائے واردات پر پہنچی۔
جاں بحق عام شہریوں کی آخری رسومات منگل کی صبح انجام دی گئیں جس میں پولیس اور سیول انتظامیہ کے اعلیٰ افسروں کے علاوہ سینکڑوں کی تعداد میں لوگوں نے شرکت کی۔