پولیس سب انسپکٹر فاروق احمد کا قتل

سرینگر//
خصوصی تفتیشی یونٹ (ایس آئی یو ) اونتی پورہ نے پولیس کے سب انسپکٹر ‘ فاروق احمد کے قتل کی چارج شیٹ این آئی اے سرینگر کی عدالت میں پیش کی۔
ملزم اویس مشتاق گنائی ولد مشتاق احمد گنائی ساکنہ سامبورہ اور ہلاک شدہ ملی ٹینٹ ماجد نذیر (تنظیم البدر) ولد نذیر احمد وانی ساکن لدھو پانپورکے خلاف پیش کی گئی ہے جبکہ اس کے علاوہ ۲ نابالغ ملزمان (نام چھپائے گئے) کے خلاف چالان فوری کیس میں ملوث ہونے پر جووینائل جسٹس بورڈ پلوامہ کی معزز عدالت میں پیش کی گئی۔
دوران تفتیش، مختلف مشتبہ افراد کو وقتاً فوقتاً پوچھ گچھ کے لیے بلایا گیا اور مورخہ۲۴مئی ۲۰۲۲ ایک ملزم اویس مشتاق گنائی ولد مشتاق احمد گنائی ساکن سامبورہ نے جرم کی واردات میں ملوث ہونے کا اعتراف کیا۔
اس کے انکشاف پر، دو نابالغ (نام چھپائے ہوئے) کو کالعدملی ٹینٹ تنظیم البدر کے ایک سرگرم ملی ٹینٹ ماجد نذیر ولد نذیر احمد وانی ساکن لدھو کے ساتھ پولیس افسر فاروق احمد کے قتل میں سرگرم ملوث ہونے اور کردار ادا کرنے پر گرفتار کیا گیا۔
پولیس نے بتایاتفتیش کے دوران یہ بات سامنے آئی کہ تینوں ملزمان کالعدم ملی ٹینٹ تنظیم البدر کے سرگرم ملی ٹینٹ کے ساتھی تھے اور مذکورہ سرگرم ملی ٹینٹ ماجد نذیر وانی کے ساتھ مسلسل رابطے میں تھے جس نے انہیںنرم اہداف پر حملہ کرنے کے لیے اسلحہ اور گولہ بارود دیا تھا۔
یہ بات قابل ذکر ہے کہ ۲۱جون۲۰۲۲کو پلوامہ کے علاقے توجان میں پولیس/ایس ایف نے ایک انکاؤنٹر میں فوری جرائم میں ملوث ماجد نذیر کو مار گرایا تھا۔
جمع کیے گئے شواہد کی بنیاد پر فوری جرم کے لیے قانون کی متعلقہ دفعات کے تحت قابل سزا جرم کا تعین کیا گیا ہے۔ مقدمے کی تفتیش چار ملزمان کے خلاف چارج شیٹ کے ساتھ اختتام پذیر ہوئی جن میں دو نابالغ، ایک مارے گئے اور ایک ملزم شخص قانون کی مجاز عدالت میں پیش کیا گیا۔