کشمیر ی نوجوان ملک سے محبت کرتے ہیں:پولے

سرینگر//
صوبائی کمشنر کشمیر پی کے پول نے منگل کے روز کہا کہ کشمیر کے نوجوان ملک سے محبت کرنے والے ہیں ۔
پولے نے بتایا کہ پچھلے تیس برسوں کے دوران یہاں کے لوگوں میں ڈر اور خوف کا ماحول پیدا کیا گیا لیکن اب حالات پوری طرح سے معمول پر آچکے ہیں ۔
ان باتوں کا اظہار موصوف نے پائین شہر کے چھتہ بل علاقے میں ایک تقریب کے بعد نامہ نگاروں سے بات چیت کے دوران کہا ۔
پولے نے کہاکہ کچھ عناصر نے وادی کشمیر کے لوگوں میں غلط فہمی پیدا کرکے اُن میں خوف اور ڈر کا ماحول قائم کیا تھا جو اب دور ہو چکا ہے ۔
صوبائی کمشنر کے مطابق سرکار کی جانب سے منعقد کئے جارہے پروگراموں میں لوگ بڑھ چڑھ کر حصہ لے رہے ہیں ۔
پولے کا مزید کہنا تھا کہ پچھلے تیس برسوں کے دوران جو غلط فہی لوگوں اور بچوں میں تھی وہ سب دور ہو گئی ہے ۔انہوں نے بتایا کہ موجودہ انتظامیہ عوام کو راحت پہنچانے کی خاطر زمینی سطح پر کام کر رہی ہیں جس کے ثمر آور نتائج برآمد ہو رہے ہیں۔
صوبائی کمشنر کا کہنا تھا کہ کشمیر کے نوجوان ملک سے محبت کرنے والے ہیں اور جو غلط فہمی اُن کے من میں تھی وہ دور ہو چکی ہے ۔