سرینگر//
جموں کشمیر میں اس سال اب تک ڈینگی کے کم از کم۳ہزار۷۸۴ کیسز اور سات اموات کی اطلاع ملی ہے جن میں سے چھ کشمیر ڈویڑن سے ہیں۔
صحت کے ایک اعلیٰ اہلکار نے بتایا کہ اب تک تقریباً ۱۵ہزار۳ ٹیسٹ کیے گئے ہیں اور ۴ہزار۶۴۹ مثبت آئے ہیں۔
۴ہزار۶۴۹ کیسوں میں سے ۹۰ فیصد کیس جو کہ۳ہزار۷۸۴ کیس صرف جموں ضلع سے ہیں۔انہوں نے مزید بتایا کہ سانبہ سے۱۵۴‘ کٹھوعہ سے۶۴‘ادھم پور سے۳۲۰‘ ریاسی سے۸۳‘راجوری سے۴۷‘پونچھ سے۲۲‘ ڈوڈہ سے۱۱۶‘رام بن سے ۲۹‘ کشتواڑ سے۱۳؍اور کشمیر کے چھ کے علاوہ دیگر ریاستوں سے۱۲ کیس شامل ہیں۔ اس کے علاوہ سات افراد ہلاک ہو چکے ہیں۔
اعداد و شمار کے مطابق آج جموں و کشمیر میں دو بچوں اور۳۵ بالغوں میں ڈینگی کے ۳۷کیس رپورٹ ہوئے۔
سرکاری اعداد و شمار کے مطابق۲۰۱۳میں سب سے زیادہ ۱۸۳۷ کیس رپورٹ ہوئے تھے لیکن اس سال یہ تعداد پچھلے سے بڑھ گئی ہے۔