رامبن//
چیف سکریٹری‘ ڈاکٹر ارون کمار مہتا نے ایڈیشنل چیف سکریٹری داخلہ اور پولیس کے ڈائرکٹر جنرل (ڈی جی پی) دلباغ سنگھ کے ساتھ آج ضلع رامبن میں بانہال،ناشری حصے کی چار لیننگ کی پیش رفت اور سرینگر جموں قومی شاہراہ پر ٹریفک کی نقل و حرکت کا موقع پر جائزہ لیا۔
چیف سکریٹری نے حساس مقامات کا دورہ کیا اور چمبل واس کے علاقے رامپڈی میں ٹرکوں کے رکھنے کی تجویز پیش کی اور نیشنل ہائی وے اتھارٹی آف انڈیا کے ریجنل آفیسر کو ہدایت دی کہ وہ بانہال ناشری حصے پر قومی شاہراہ کے ساتھ ساتھ مختلف مقامات پر پڑے ملبے کو فوری طور پر صاف کریں تاکہ ڈبل لین گاڑیوں کی نقل و حرکت کو ہموار کرنے کے علاوہ ترقی بھی کی جاسکے۔
چیف سکریٹری نے پرنسپل سکریٹری، پی ڈبلیو (آر اینڈ بی) محکمہ کی سربراہی میں ایک کمیٹی تشکیل دینے کی ہدایت دی جس میں انتظامی سکریٹری، ٹرانسپورٹ ڈپارٹمنٹ ‘ ڈویڑنل کمشنر، جموں؛ آئی جی ٹریفک؛ ڈپٹی کمشنر اور ایس ایس پی رامبن شامل ہوں گے۔کمیٹی بانہال ناشری حصے کے درمیان ٹریفک کی نقل و حرکت کو آسانی سے منظم کرنے کا منصوبہ پیش کرے گی۔
چندر کوٹ میں ایک اعلیٰ سطحی میٹنگ کے دوران چیف سکریٹری نے آئی جی پی ٹریفک کو ہدایت دی کہ وہ قومی شاہراہ کے بند ہونے کی صورت میں پھنسے ہوئیں گاڑیوں کو ایڈجسٹ کرنے کے لیے بانہال،رامبن کے درمیان تمام ۴ مجوزہ مقامات پر ہولڈنگ ایریا مینجمنٹ سے متعلق جاری کردہ تمام ہدایات کو نافذ کریں۔
ریجنل آفیسراین ایچ اے آئی کو شاہراہ کو چوڑا کرنے کے کام کی رفتار کو تیز کرنے کی ہدایت دیتے ہوئے، چیف سکریٹری نے ان سے کہا کہ وہ قومی شاہراہ پر ٹریفک کی ہموار نقل و حرکت کے لیے موجودہ ہائی وے کی میکاڈمائزیشن کو یقینی بنائیں۔ انہوں نے ایس ایس پی رامبن اور آر او این ایچ اے آئی کو ہدایت دی کہ وہ میکاڈمائزیشن کے کام کے لیے وقت طے کریں تاکہ مذکورہ سڑک پر مسافروں اور پھل لے جانے والے ٹرکوں کو تکلیف نہ ہو۔
ڈاکٹر مہتا نے این ایچ اے آئی کے ریجنل آفیسر کو ہدایت کی کہ وہ تمام خطرناک سلائیڈ والے علاقوں میں افرادی قوت اور مشینری کو بڑھا دیں تاکہ سڑک سے لینڈ سلائیڈنگ اور ملبہ کو فوری طور پر صاف کیا جا سکے، اس کے علاوہ سڑکوں پر گڑھوں کو بھرنے اور ٹریفک کی پریشانی سے پاک ٹریفک کو برقرار رکھنے کے لیے تباہ شدہ سڑک کی میٹلنگ کی جائے۔
این ایچ اے آئی سے مزید کہا گیا کہ وہ فوری طور پر ان راستوں پر ڈبل گاڑیوں کی ٹریفک کو بحال کرے۔ انہیں یہ بھی کہا گیا کہ وہ تمام خطرناک جگہوں پر کریش بیریئرز اور سائن بورڈز لگائیں تاکہ مسافروں اور ٹرانسپورٹرز کو ٹریفک کی نقل و حرکت کے بارے میں حقیقی وقت میں معلومات فراہم کی جاسکیں۔
دریں اثنا پولیس کے ڈائریکٹر جنرل نے ٹریدک اور محکمہ پولیس کو گاڑیوں کی نقل و حرکت کو موثر طریقے سے منظم کرنے اور شاہراہ پر پھلوں سے لدے ٹرکوں کے آسانی سے گذرنے کی سہولت فراہم کرنے کی ہدایت دی ۔
قبل ازیں آئی جی پی ٹریفک نے ایک پاور پوائنٹ پرذنٹیشن پیش کی اور میٹنگ کو جموں ۔ سرینگر قومی شاہراہ پر گاڑیوں کی ٹریفک کی نقل و حرکت کے بارے میں بریفنگ دی ۔