کشتواڑ کے تلار مروا جنگل سے اسلحہ و گولہ باردو بر آمد:پولیس

سرینگر//
سیکورٹی فورسز نے جموں کشمیر کے ضلع کشتواڑ کے ایک جنگل سے بھاری مقدار میں اسلحہ و گولہ بارود بر آمد کرنے کا دعویٰ کیا ہے ۔
پولیس ذرائع نے کہا کہ ایک مصدقہ اطلاع پر کارروائی کرتے ہوئے فوج اور پولیس کی ایک مشترکہ ٹیم نے ضلع کشتواڑ کے تلار مروا جنگلی علاقے میں جمعے کے روز ایک تلاشی آپریشن شروع کیا۔
آپریشن کے دوران سیکورٹی فورسز نے بھاری مقدار میں اسلحہ و گولہ بارود بر آمد کیا جس میں ایک پستول، آٹھ پستول گولیوں کے راونڈ، ایک چینی گرینیڈ، تین یو بی جی ایل گرینیڈ، تین آر پی جی راونڈ، تین بارودی سٹکس ، ایک آئی ڈی اور دوسرا کچھ جنگی سامان شامل ہیں۔
پولیس نے اس ضمن میں کیس درج کرکے مزید تحقیقات شروع کی ہے ۔