پولیس کا سرینگر میں جنگجو کی گرفتاری کا دعویٰ

سرینگر//
جموں کشمیر پولیس نے پالپورہ سرینگر میں ایک جنگجو کو ہتھیار و گولہ بارود سمیت دھر دبوچ کر سلاخوں کے پیچھے دھکیل دیا۔
پولیس کے ایک ترجمان نے بتایا کہ سرینگر پولیس اور ۲۴آر آر نے ایک مشترکہ آپریشن کے دوران پالپورہ سرینگر میں انصار الغزوتہ الہند نامی ممنوع تنظیم سے وابستہ ایک جنگجو کی گرفتاری عمل میں لائی ۔
ترجمان نے بتایا کہ گرفتار ملی ٹینٹ کے قبضے سے ایک پستول ، میگزین اور گولیوں کے راونڈ برآمد کرکے ضبط کئے گئے ۔
اُن کے مطابق گرفتار جنگجو کی شناخت جنید احمد پرے ساکن نوا کدل سرینگر کے بطور ہوئی ہے ۔
پولیس نے معاملے کی نسبت کیس درج کرکے مزید تحقیقات شروع کی ۔