دو سرکردہ علماء سمیت ۵؍افرادپی ایس اے کے تحت گرفتار

سرینگر//
جنوبی کشمیر کے دو بااثر علماء سمیت پانچ افراد کو جمعرات کو پبلک سیفٹی ایکٹ ( پی ایس اے) کے تحت حراست میں لیا گیا۔
ذرائع کے مطابق، حراست میں لیے گئے افراد میں مولانا مشتاق احمد ویری، عبدالمجید دار المدنی اور عبدالرشید داؤدی شامل ہیں۔
ذرائع نے کہا کہ حکام پبلک سیفٹی ایکٹ کے تحت علما کو گرفتار کرنے اور انہیں جموں جیل میں منتقل کرنے پر غور کر رہے ہیں۔
ان کا کہنا تھا کہ ان پر نفرت انگیز تقاریر اور ملک مخالف سرگرمیوں کے لیے مقدمہ درج کیا گیا ہے جس سے امن و امان کے مسائل پیدا ہونے کا خدشہ ہے۔
پی ایس اے ایک ایسا قانون ہے جو دو سال تک بغیر کسی الزام یا مقدمے کے حراست میں رکھنے کی اجازت دیتا ہے۔