کانگریس پارٹی ڈوبتا ہوا جہاز،قصبہ پارینہ بننے کے قریب: رینا

سرینگر//
جموںکشمیر بھاجپا یونٹ کے صدر رویندر رینا نے بدھ کے روز کہاکہ کانگریس ایک ڈوبا ہوا جہاز ہے ۔
رینا نے کہاکہ وہ دن دور نہیں جب کانگریس کا مکمل صفایا ہو جائے گا اور پھر لوگ تاریخ میں اس پارٹی کے بارے میں پڑھیں گے ۔
ان باتوں کا اظہار رینا نے جموں میں نامہ نگاروں سے بات چیت کے دوران کیا۔
رینا نے کہاکہ کانگریس پارٹی نے غلام نبی آزاد کو خون کے آنسوں رلایا ہے ۔
اُن کے مطابق غلام نبی آزاد نے خون پسینہ ایک کرکے کانگریس کو پورے ملک میں مضبوط کیا لیکن بدلے میں نہرو خاندان نے اُنہیں خون کے آنسوں رولایا۔انہوں نے مزید کہا کہ آزاد نے کانگریس پارٹی پر سنگین نوعیت کے الزامات عائد کئے او ریہاں تک بتایا کہ نہرو خاندان کے ریمورٹ کنٹرول سے کانگریس پارٹی چلتی ہے ۔
رینا کا کہنا ہے کہ آزاد اپنی ایک سیاسی پارٹی تشکیل دینا چاہتے ہیں یا پھر کسی اور پارٹی میں جانے کے خواہاں ہے یہ اُن کا نجی فیصلہ ہے ۔
بی جے پی کے یونٹ صدر نے کہاکہ کانگریس ایک ڈوبتا ہوا جہاز ہے اور وہ دن دور نہیں جب یہ پارٹی قصہ پارینہ بن کر رہ جائے گی۔انہوں نے بتایا کہ بھارتیہ جنتاپارٹی جموں وکشمیر میں مضبوط ہے اور آنے والے چناو میں بھاجپا اپنے بل بوتے پر حکومت تشکیل دینے میں کامیاب ہو جائے گی۔
رینا نے کہا’’آئے روز بی جے پی کے ساتھ لوگ جڑ رہے ہیں اور یہ کہ پارٹی کے لیڈران دن رات اسی کام میں لگے ہوئے ہیں کہ زیادہ سے زیادہ لوگ پارٹی میں شامل ہو ں ۔‘‘