۱۳۷دن بعد پٹرول ڈیزل ہوا مہنگا

نئی دہلی/۲۲مارچ
روس اور یوکرین کے درمیان جاری جنگ کی وجہ سے عالمی سطح پر تیل کی قیمتوں میں اضافے کے ساتھ ساتھ ڈالر کے مقابلے روپے پر دباؤ کی وجہ سے ملک میں تیل کی مارکیٹنگ کمپنیوں نے آج ۱۳۷دنوں کے بعد پٹرول اور ڈیزل کی قیمتوں میں اضافہ کیا ہے ۔ دارالحکومت دہلی میں دونوں ایندھن کی قیمتوں میں ۸۰۔۸۰پیسے فی لیٹر کا اضافہ کیا گیا ہے ۔
اس اضافے کے بعد دارالحکومت میں پٹرول ۸۰پیسے بڑھ کر۲۱ء۹۶روپے فی لیٹر اور ڈیزل۸۰پیسے اضافے کے ساتھ۴۷ء۸۷روپے فی لیٹر پر پہنچ گیا ہے ۔
ممبئی میں پٹرول۸۴پیسے بڑھ کر۸۲ء۱۱۰روپے فی لیٹر اور ڈیزل ۸۲پیسے بڑھ کر۹۵روپے فی لیٹر ہو گیا ہے ۔ چنئی میں پٹرول اور ڈیزل کی قیمتیں۷۶پیسے بڑھ کر بالترتیب۱۶ء۱۰۲؍روپے اور۱۹ء۹۲روپے فی لیٹر تک پہنچ گئی ہیں۔ اسی طرح کولکاتہ میں پٹرول۸۴پیسے بڑھ کر۵۱ء۱۰۵ روپے فی لیٹر اور ڈیزل۸۳پیسے بڑھ کر۶۲ء۹۰روپے فی لیٹر ہو گیا ہے ۔
مرکزی حکومت کے پٹرول اور ڈیزل پر ایکسائز ڈیوٹی میں بالترتیب۵روپے اور۱۰روپے کی کمی کا اعلان کرنے کے بعد ایندھن کی قیمتوں میں۴نومبر۲۰۲۱کو تیزی سے کمی آئی تھی۔ اس کے بعد ریاستی حکومت کے ویلیو ایڈڈ ٹیکس (ویٹ ) کو کم کرنے کے فیصلے کے بعد دارالحکومت دہلی میں بھی ویٹ کو کم کرنے کا فیصلہ کیا گیا۔ اس کے بعد دارالحکومت میں۲دسمبر۲۰۲۱کو پٹرول تقریباً آٹھ روپے سستا ہوا تھا۔