نواکدل میں غرق آب کمسن لڑکے کی لاش باز یاب

سرینگر//
جموںکشمیر کی راجدھانی سرینگر کے نوا کدل علاقے میں دو روز قبل غرقہ آب ہوئے کمسن لڑکے کی لاش صفا کدل کے نزدیک باز یا ب کی گئی۔
سرکاری ذرائع نے بتایا کہ دو روز قبل نوا کدل سرینگر میں نہانے کے دوران چودہ سالہ لڑکا غرقہ آب ہوا جس کے بعد ایس ڈی آر ایف اور پولیس ٹیم نے اُس کی تلاش شروع کی۔
ذرائع نے بتایا کہ ٹیم کی سخت محنت کے نتیجے میں جمعے کے روز غرقہ آب ہوئے لڑکے کی لاش صفا کدل کے نزدیک برآمد کی گئی۔
اُن کے مطابق قانونی اور طبی لوازمات پورے کرنے کے بعد میت وارثین کے سپرد کی گئی۔