یوم عاشور:عمرعبداللہ علمگری بازار گئے

سرینگر//
یوم عاشورکی مناسبت سے وادی کے شیعہ آبادی والے علاقوں میں میں تعزیہ، علم شریف اور ذوالجناح کے چھوٹے بڑے جلوس بر آمد ہوئے جن میں اعزا داروں کی کثیر تعداد نے غم حسینی میں ماتم،گریہ زاری اور سینہ زنی کی۔
عزاداروں کے لیے جہاں جگہ جگہ پانی اور دیگر مشروبات کا انتظام رکھا گیا تھا وہیں چند غیر رضاکارنہ تنظمیوں کی جانب سے کھانے پینے کی اشیاء تقسیم کرنے کے لیے کئی اسٹال بھی لگائے گئے تھے۔
اس بیچ سرینگر کے جڈی بل علاقے میں نیشنل کانفرنس کی جانب سے بھی کھانے پینے اور مشروبات تقسیم کرنے کی غرض سے ایک اسٹال قائم کیا گیا۔ایسے میں نیشنل کانفرنس کے نائب صدر عمر عبدللہ نے پارٹی کے ترجمان اعلی تنویر صادق کے ہمراہ اس کیمپ کا دورہ کیا اور وہاں از خود عزاداروں میں کھانے پینے کی اشیاء تقسیم کی۔
اس موقع پر عمر عبدللہ نے پارٹی کارکنان کی جانب سے کیمپ قائم کرنے اور عزاداروں کے تئیں اپنی خدمات بہم رکھنے کے لیے منتظمین کی تعریف کی۔