امر ناتھ یاترا:جموں سے ئی تازہ قافلہ گھپا کی طرف روانہ نہیں

جموں//
جموں کے بھگوتی نگر بیس کیمپ سے ہفتے کے روز یاتریوں کا کوئی بھی قافلہ امر ناتھ گھپا کی طرف روانہ نہیں ہوا۔
ذرائع نے بتایا کہ بھگوتی نگر بیس کیمپ سے ہفتے کے روز یاتریوں کا کوئی بھی قافلہ پوتر گھپا کی طرف روانہ نہیں ہوا۔انہوں نے کہا کہ گذشتہ ایک ہفتے سے یاتریوں کی تعداد میں خاطر خواہ کمی واقع ہو رہی ہے ۔
۳۰جون سے شروع ہونے والی اس یاترا کے دوران اب تک زائد از تین لاکھ یاتریوں نے پوتر گھپا کا درشن کیا ہے ۔
۴۳دنوں پر محیط یہ یاترا۱۱؍اگست کو رکھشا بندھن کے موقعے پر اختتام پذیر ہونے والی ہے ۔تاہم جموں وکشمیر کے لیفٹیننٹ گورنر منوج سنہا نے ۲؍اگست کو یاتریوں سے اپیل کی تھی کی وہ خراب موسمی حالات کے پیش نظر پانچ اگست تک ہی پوتر گھپا کی یاترا کریں۔
دریں اثنا ذرائع کے مطابق بھگوتی نگر بیس کیمپ سے ہفتے کی صبح۳۶۰یاتری جن میں۱۴۵خواتین‘۱۹بچے شامل تھے‘۱۲گاڑیوں میں ضلع پونچھ میں واقع بدھا امرناتھ شرائن کے لئے روانہ ہوگئے ۔